24b Vilar Ponte

Antón Vilar Ponte (Viveiro, 1881 - A Coruña, 1936) Premio Día das letras galegas 1977 era xornalista e activista, foi un dos iniciadores das Irmandades da Fala e   do galeguismo.  Escribiu Tríptico (1928), Os evanxeos da risa absoluta (1934) e redactouse postumamente unha antoloxía dos seus ensaios (1971). O seguinte texto é   de  'A Patria do labrego' en Teatro galego :tríptico  Ed. Nós, A Coruña, 1928, p 9.

O sitio da escena é  unha cociña de aldea mariñá.  Porta ao foro e  outra nunca das paredes dos lados.  Onde mellor conveña, para o mellor desenvolvemento da acción, haberá unha lareira ancha, con escanos rústicos, sobre da cal virá unha cheminea de campá moi aberta, en relación con aquela. No sitio apropiado un andel  e gramalleira.  Chantadas nunhas fendas da parede unhas fouces de man; dependurado dun torno-  tamén chantado na parede-  o xugo e os bitillos; arrimados nun recanto os fungueiros do carro; arrentes da lareira dous caldeiros enriba de rodelas de palla. Ademáis, noutro lugar, un pote de ferro escachoando a carón do lume.  Son as oito da mañá.